Biyahe ng MRT muling nagka-aberya

Muling nakaranas ng aberya ang mga pasahero ng Metro Rail Transit (MRT-3), Lunes ng umaga.

Isang tren ng MRT ang nagkaroon ng technical problem, dahilan para pababain ang mga pasahero sa Ortigas station Southbound.

Naganap ang aberya alas 8:09 ng umaga na kasagsagan ng rush hour at marami sa mga pasahero ang sumakay ng MRT dahil sa isinasagawang tigil-pasada.

Pinasakay na lang sa kasunod na tren ang mga naapektuhang pasahero.

Habang ang nagkaproblemang tren ay agad dinala sa depot para kumpunihin.