35th ASEAN Ministers on Energy Meeting (AMEM), magsisimula ngayong araw

Matapos ang matagumpay at makabuluhang 11th ASEAN Ministerial Meeting on Transnational Crimes noong nakaraang linggo, magsisimula naman ngayong araw ang 35th ASEAN Ministers on Energy Meeting sa lungsod ng Pasay.

Pamumunuan ng Department of Energy ang nasabing pagpupulong.

Ang tema ng ministerial meeting ngayong taon ay “ONE ASEAN Community to Resilient and Sustainable Energy.”

Sesentro ang diskusyon ng mga kinatawan ng ASEAN Members states sa pagpapalawig sa “sustainable energy”.

Inaasahan din na mailalatag ang mga polisiya upang mapalakas ang ASEAN energy sa international stage.

Umaasa si Energy Secretary Alfonso Cusi na magkakaroon ng healthy discussion ang mga lider ukol sa isyu.