Pagbabawal sa pagsuot ng high heels sa trabaho, epektibo na ngayong araw

Epektibo na ang pagbabawal sa pagsusuot ng high heels sa trabaho ngayong araw.

Pinaalalahanan ng Bureau of Working Condition ng Department of Labor and Employment (DOLE) ang mga employers sa itinakdang Deparment Order 178-17.

Paliwanag ni Labor Secretary Silvestre Bello III, hindi dapat sapilitang pinagsusuot ng high heels ang mga empleyado, lalo na ang mga sales lady at lady guards, para maiwasan ang pagod at stress sa trabaho.

Base sa DO, mandato ng mga employers na bigyan ng breaks at upuan ang mga empleyadong kinakailangang magsuot ng high heels.

Inabisuhan rin ang mga employers na hayaang makapagsuot ng komportableng sapatos ang mga empleyado para makaiwas sa anumang komplikasyon sa kalusugan.