US Pres. Donald Trump, tinawag na takot na aso at ulyanin ni Kim Jong Un

Sinagot ni North Korean leader Kim Jong Un ang mga bagong pahayag ni US President Donald Trump.

Sa kaniyang live speech sa North Korean state television, tinawag ni Kim na “frightened dog” at ulyanin ang pangulo ng US.

Ayon kay Kim, si Trump ay maihahalintulad sa isang takot na aso na malakas tumahol.

Sa kaniyang speech na ginamitan ng English translation, makailang ulit din nitong tinawag na “dotart” o ulyanin si Trump.

“I will surely and definitely tame the mentally deranged U.S. dotard with fire,” ayon kay Kim.

Kamakailan, tinawag ni Trump na “Rocket Man” si Kim at nagbanta pa itong wawasakin ang North Korea.