Mexico, niyanig ng magnitude 7.1 na lindol
Ginulantang ng malakas na pagyanig ang central Mexican state of Puebla kaninang madaling araw, oras dito sa Pilipinas.
Ayon sa US Geological Survey, umabot sa magnitude 7.1 ang lakas ng lindol kung saan naitala ang epicenter sa layong 4.5 kilomerers east-northeast ng San Juan Raboso at 55 kilometers sa lungsod ng Puebla.
Naramdaman din ang pagyanig sa Mexico City na may layong 121 kilometers mula sa epicenter.
Wala pang naitatalang patay sa pagyanig ngunit makikita sa mga videos na naiupload sa twitter ang pagguho ng mga buildings kung saan may ibang umuusok pa.
Sa kanyang post sa twitter account, sinabi ni Mexican President Enrique Pena Nieto na agad niyang ipinatawag ang National Emergency Committee upang i-assess ang sitwasyon sa bansa.
Isang linggo pa lang ang nakalilipas ng yanigin din ang southern coast ng Mexico ng magnitude 8.1 na lindol kung saan 61 ang namatay.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.