Duterte dumalaw sa burol ng napatay na pulis sa drug operation sa Caloocan City
Dinalaw ni Pangulong Rodrigo Duterte ang lamay ni PO3 Junior Hilario ng Caloocan City Police Community Precinct 3 (PCP 3) sa Neo Vista Subdivision sa Bagumbong, Caloocan City.
Napatay sa isang police operations ang nasabing pulis nang pangunahan niya drug raid sa Bagong Silang sa nasabing lungsod noong September 8.
Patay rin sa nasabing operasyon ang drug pusher na si Jason dela Cruz na kabilang sa order of battle ng PNP.
Tiniyak ng pangulo sa mga naulila ni Hilario na makukuha nila ang pahat ng mga benepisyo sa lalong madaling panahon.
Kasabay nito ay muling inulit ng pangulo na kakampihan niya ang mga tauhan ng pulisya na nasa likod ng mga operasyon kontra droga.
Kasunod naman ito ng babala na siya mismo ang tatapos sa career ng mga pulis na sasabit naman sa mga kalokohan at ilang mga iligal na gawain.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.