1 patay, 2 sugatan nang tamaan ng kidlat sa Cebu

Isa patay habang dalawa naman ang sugatan nang tamaan ng kidlat sa Lapu-Lapu City, Cebu, Sabado ng gabi.

Tinamaan ng kidlat ang 3 mangingisda habang namimingwit sa dalampasigan ng Sitio Takan sa Barangay Agus.

Nang maranasan ang malakas na ulan, sumilong sa maliiit na cottage ang 3 at biglang tinamaan ng kidlat.

Sa ngayon, binibigyan na ng lunas sa ospital sina Ramil Layson, trenta y uno anyos at Michael Perolino, kwarenta y uno anyos.

Samantala, dead on arrival naman ang kwarenta y singko anyos na kasamahang si Eutiquio Paracuelles.