Apat arestado sa buy-bust operation sa Quezon City
Arestado ang apat na mga indibidwal sa Quezon City matapos ang isinagawang buy bust operation ng Quezon City Police District Drug Enforcement Unit.
Kinlala ang mga suspek na sina Loni Salvador, Edgardo Lim, Norberto Patiño Jr., at Wendy Tiogson.
Ayon kay Superintendent Danilo Mendoza na siyang QCPD Station 3 Commander, isinagawa nila ang naturang oprasyon sa isang barung-barong sa Barangay Pasong Tamo, Quezon City.
Aniya, nagpanggap silang buyer ng iligal na droga mula sa mga suspek.
Matapos ang transaksyon ay dito na nila hinuli ang apat.
Nasabat mula sa mga ito ang dalawang plastic sachet na naglalaman ng hinihinalang shabu, at iba pang mga drug paraphernalia.
Kakasuhan ang apat na mga suspek ng paglabag sa Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.