25 estudyante at guro, nasawi sa sunog sa Malaysia

Patay ang 25 katao sa sunog na naganap sa isang paaralan sa Kuala Lumpur, Malaysia.

Tinupok ng apoy ang isang religious school sa Jalan Keramat Hujung alas 5:15 ng umaga ng Huwebes.

Ayon sa City Fire and Rescue Department, alas 5:41 nang matanggap nila ang tawag kaugnay sa sunog na naganap sa paaralan.

Sa inisyal na impormasyon, kabilang sa mga nasawi ay pawang estudyante at guro.

Ang paaralan ay para sa mga Islamic students.

Una nang napaulat na nababahala na ang Fire and Rescue Department sa fire safety measures ng mga hindi rehistradong private tahfiz o religious schools sa lungsod.

Simula pa noong 2015, aabot na sa 211 na sunog ang naitala sa Jalan Datuk Keramat.