LP, sinabon ang isang miyembro matapos iendorso ang impeachment vs. Sereno

By Rhommel Balasbas September 08, 2017 - 04:05 AM

 

Sinermunan ng Liberal Party ang isang miyembro nito matapos iendorso ang impeachment complaint laban kay Supreme Court Justice Maria Lourdes Sereno.

Sa isang joint statement, sinabi nina LP President Sen. Kiko Pangilinan at Sec. Gen. Kit Belmonte na ang pagendorso ni Samar 1st district Rep. Edgar Mary Sarmiento ay isang ‘cause for concern.’

Anila, iginagalang ng partido ang posiyon ng bawat miyembro sa mga isyu ngunit iginiit na dapat ay kumonsulta muna si Sarmiento sa pamunuan ng LP bago ito nagdesisyon.

Ayon sa LP leaders, bagamat bahagi ang impeachment ng demokrasya at ng 1987 constitution, maaari rin itong makasira sa mga institusyon sakaling magamit laban sa mga hindi kakampi ng gobyerno.

Si Sarmiento ay isa sa 25 mambabatas na nagendorso sa impeachment complaint laban kay CJ Sereno na inihain ni Atty. Larry Gadon.

Sa kasalukuyan, nasa House Committee on Justice na ang impeachment complaint laban sa chief justice at inaasahan ang pagsisimula ng pagdinig ngayong araw.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.