Kinumpirma ng may-ari ng Dariz Funeral Home na si Gapan City Mayor Emerson Pascual ang nagbayad ng lahat para lang maiuwi na ang bangkay ni Reynaldo de Guzman “Alyas Kulot” sa Cainta, Rizal.
Sa panayam ng Radyo Inquirer kay Ginang Marissa Pascual kahapon ay kinausap na siya ni Mayor Pascual hinggil sa kanyang tulong sa mga magulang ni “Kulot”.
Dagdag pa ni Pascual ang Amerikana na isinuot nila sa bangkay ng biktima ay pag-aari ng kanyang anak.
Aniya wala naman naging puna ang mag-asawang Eduardo at Lina sa naging hitsura ng kanilang anak.
Binanggit pa ni Pascual na ang naging problema ni Mang Eduardo sa serbisyo sa burol ng kanyang anak sa Cainta ay ipinaasikaso na rin ng kanilang mayor.
Pasado alas-sais ng umaga nang umalis ang mag-asawa sa Dariz Funeral Home kasama ang bangkay ng kanilang anak.