Patay ang isang empleyado ng Civil Service Commission (CSC) habang sugatan ang isa pa matapos tamaan ng ligaw na bala sa labas ng Mindanao State University sa Brgy. Cadayunon, Marawi City.
Ayon Colonel Romeo Brawner, deputy ng task force Marawi, naganap ang insidente pasado alas 9:00 ng umaga.
Nakilala ang nasawi na Marvin Ablando na tinamaan ng ligaw na bala sa ulo habang sugatan naman si Zandra Arnica Uzman na nadaplisan ng bala sa ulo.
Nasa loob ng sasakyan ang dalawa at pababa ng MSU nang tamaan ng ligaw na bala.
Isinugod ang dalawa sa Amai Pakpak Hospital sa Marawi City.
Ayon kay Brawner, hindi pa matukoy ng kanilang hanay kung anong uri ng bala ang tumama sa dalawa.
READ NEXT
Pangulong Duterte, walang balak makialam sa kontrobersiyang kinasasangkutan ng anak at manugang
MOST READ
LATEST STORIES