LOOK: Teachers’ train, handog ng LRT ngayong buwan ng mga guro

Bilang pakikiisa sa National teachers’ month mula Setyembre 5 hanggang Oktubre 5, may handog na teachers’ train ang pamunuan ng Light Rail Transit (LRT) line 1.

Tatlong tren ng LRT-1 ang bumibiyahe ngayon na nilagyan ng dekorasyon na para sa mga guro.

Sa loob ng tren, mayroong disenyo ng mga libro na mistulang parang library.

Mayroon ding lugar na may mga nakapaskil na mensahe para sa mga guro.

Ayon sa pamunuan ng LRT, ang kanilang mga tren na mayroong LRV numbers na 1025, 1026 at 1021 ay patuloy na bibiyahe ngayong teachers’ month.