PNP, magdaragdag ng police visibility ngayong palapit na ang holiday season
Magpapakalat ng mas maraming pulis sa mga lansangan at establisyimento ang Philippine National Police (PNP) ngayong palapit na ang holiday season.
Ayon kay PNP Chief Ronald Dela Rosa, target ng pambansang pulisya na dagdagan ang pwersa sa mga shopping mall at iba pang areas of convergence ng publiko.
Ipinag-utos na ni Dela Rosa sa mga commanders na dagdagan ang presensya ng mga pulis lalo ngayong paparating na ang holiday season.
Aniya, tumataas ang economic activity kaya ‘ber’ months. Dumarami kasi ang namimili at ito naman ay kadalasang sinasamantala ng mga kriminal.
Sa datos ng PNP, kapag Christmas season ay tumataas din ang demand sa ilegal na droga dahil marami ang nagpa-party.
Tiniyak ni Dela Rosa na minomonitor ng PNP ang trend ng mga krimen para ma-evaluate ang performance ng mga police commander.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.