Manny Pacquiao, kinumpirma na tuloy ang planong rematch nila ni Jeff Horn

By Mariel Cruz September 03, 2017 - 03:31 PM

Nilinaw ni Filipino boxing icon at Sen. Manny Pacquiao na hindi kanselado ang planong rematch kay Australian boxer Jeff Horn.

Ito ay sa kabila ng mga lumutang na ulat na umatras na si Pacquiao sa ikinakasang laban.

Sa isang panayam, sinabi ni Pacquiao na tuloy pa rin ang rematch at sa ngayon ang kailangan na lamang pag-usapan ay ang venue.

Pinag-uusapan aniya na gawin sa Pilipinas ang laban, at hindi sa Australia.

Una nang iniulat ng Agence France Presse na umatras na si Pacquiao sa nasabing rematch kay Horn, at naghahanap na ngayon ang Australian boxer ng ibang makakalaban.

Sakali naman maganap sa Pilipinas ang rematch, sinabi ni Pacquiao na handang sumuporta dito ang Department of Tourism at maging si Pangulong Rodrigo Duterte.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.