5.6 magnitude na lindol, naitala sa North Korea
Naitala ang magnitude 5.6 na lindol sa hilagang bahagi ng North Korea.
Ayon sa weather agency ng South Korea, posibleng isa itong indikasyon ng ikaanim na nuclear test ng NoKor.
Batay sa impormasyon mula sa Korea Meteorological Administration, ang naturang lindol ay naitala bandang 12:36 ng tanghali sa ilang lugar sa North Hamgyeong Province.
Sinabi ng presidential office ng South Korea na posibleng inilunsad ng North Korea ang kanilang panibagong nuclear test.
Ayon sa USGS, 5.6 magnitude ang naturang lindol pero sa record naman ng earthquake administration ng China, nasa 6.3 magnitude ito.
Nabatid na may lalim na zero kilometers ang lindol na posibleng isang malakas na pagsabog.
Dahil dito, agad na nagpatawag ng National Security Council meeting si South Korean President Moon Jae-in ayon sa ulat ng Yonhap news agency.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.