Pilipinas, Rank 5 sa mga bansang may pinakamalalang traffic sa buong mundo
Nasa ika-limang pwesto ang Pilipinas sa listahan ng mga bansang may matindining sitwasyon ng traffic sa buong mundo. Mas umakyat pa ang ranking ng bansa mula sa rank 9 na nakamit noong January 2015.
Sa mid-year report ng website na numbeo.com sa Traffic Index for Country 2015 nasa number 1 na pwesto ang Egypt sa score na 284.51.
Ibinatay ang traffic index sa haba ng oras na ginugugol ng mga residente ng bansa para makapunta sa kani-kanilang mga trabaho, pagtaya sa time consumption dissatisfaction, at ang inefficiencies sa traffic system ng isang bansa.
Kasunod ng Egypt ang South Africa na nasa number 2 na pwesto sa score na 215.34, ang Thailand ang ikatlo – 211.89, ika-apat ang Iran – 202.90 at ang Pilipinas na nasa ika-lima ay nakakuha ng traffic index score na 201.31.
Ang iba pang pasok sa top 10 na mga bansang may matinding sitwasyon ng traffic ang mga sumusunod:
Turkey (198.61) — 6th place
Russia (195.51) — 7th place
India (195.02) — 8th place
Brazil (194.29) — 9th place
Argentina (186.46) — 10th place
Noong buwan ng Enero, taong 2015, ang Pilipinas ay nasa number 9 ang pilipinas mula sa 88 bansa sa Traffic Index sa unang bahagi ng taon.
Ang numbeo.com na inilunsand noong 2009 ay isang private research firm na naka-base sa Serbia.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.