Kagawad sa Sorsogon, nasukol sa buy-bust operation

Arestado ang isang kagawad sa bayan ng Gubat sa Sorsogon sa ikinasang buy-bust operation ng mga otoridad.

Ayon kay Sorsogon Provincial Police Office director Senior Supt. Marlon Tejada, naaresto si Kagawad Raul Enorme ng Barangay Bagacay pasado alas-5:20 ng hapon sa Barangay Cogon, araw ng Linggo.

Nasukol si Enorme matapos itong magbenta ng isang sachet na naglalaman ng hinihinalang shabu sa isang police poseur-buyer.

Ayon pa kay Tejada, itinuturing na high value target si Enorme sa kanilang lugar.