MMDA, nagtanim ng mga puno sa Pasay City

Sa paglalayong makagawa ng paraan upang mabawasan ang matinding polusyon sa Metro Manila, nagtanim ng 1,000 na palm trees ang Metro Manila Development Authority (MMDA) sa Pasay City.

Katuwang ng MMDA ang Rotary Club ng San Lorenzo sa nasabing tree planting activity, na nais gawing “Green Metro” ang Kalakhang Maynila.

Itinanim ang mga nasabing palm trees sa NAIA Road sa Pasay City.

Samantala, bukod sa Pasay ay balak rin ng MMDA na magtanim ng mga halaman sa Roxas Boulevard at mga kalsada sa Alabang.

Kabuuang 10,000 na puno ang nais na itanim ng MMDA sa kahabaan ng ilang pangunahing kalsada sa Metro Manila.