Paghahanap ng hustisya sa pagkamatay ni Kian Delos Santos, ipaubaya na sa batas – Palasyo

Umapela ang Malakanyang sa publiko na hayaang gumulong ang proseso sa kaso ng pagpatay kay Kian delos Santos.

Ang pahayag ay inilabas ng Palasyo matapos na mailibing ang 17-anyos na binatilyo na napatay sa isang anti-drug operations sa Caloocan City.

Ayon kay Presidential Spokesman Ernesto Abella, naihatid na sa huling hantungan si Kian.

Mayroon na rin aniyang naisampang kaso laban sa mga pulis-Caloocan na dawit sa pagpsalang sa menor-de-edad.

Bukod dito ay patuloy ang isinasagawang imbestigasyon kaugnay sa krimen.

Aniya Abella, marapat na ipaubaya na sa mga otoridad at sa batas ang paghahanap ng hustisya para kay Kian.