Naganap ang engkwentro hapon ng Biyernes, nang magsagawa ng combat clearing operations ang Pangasinan Provincial Public Safety Company (PPSC), Regional Public Safety Battalion (RPSB) at iba pang tauhan ng Pangasinan Provincial Police Office (PPO) sa mga lugar ng Barangay Malico at Sta. Maria sa San Nicolas.
Ito’y dahil sa mga napaulat na presensya ng hindi natukoy na bilang ng mga armadong kalalakihan sa mga naturang lugar na pinangyarihan ng nauna pang engkwentro.
Wala namang nasugatan sa panig ng pamahalaan, at ipagpapatuloy pa nila ang hot pursuit operations kasama ang Armed Forces of the Philippines (AFP).
Narekober naman ng mga pulis ang isang improvised explosive device (IED), ignition switch, 9mm na pistol sub machinegun, dalawang rifle grenade, iba’t ibang uri ng bala at magazine, at dalawang cellphone.