Walang nasaktang Pinoy sa lindol sa Italy

Kinumpirma ng Department of Foreign Affairs na walang Pinoy na nasaktan sa pagtama ng magnitude 4.0 na lindol sa Italy.

Ayon sa DFA, iniulat ng Philippine Embassy sa Rome na nag-iwan ng dalawa katao na nasawi at maraming nasugatan ang pagyanig.

Sinabi naman ni Philippine Ambassador to Rome Domingo Nolasco na patuloy na minomonitor ng embahada ang sitwayson habang nakikipag-ugnayan sa Philippine honorary consul sa Naples.

Handa din aniya ang konsulado na tumulong sa mga Filipino na maaapektuhan ng lindol.

Naitala ang pagyanig na may lalim na 10 kilometers sa northwest ng Ischia Island gabi ng Lunes.

Sinundan naman ng labing apat na mahihinang afteshocks ang nasabing lindol.