Mga baril at bala, nakumpiska sa pasahero ng bus sa Davao City
Isang pasahero ng bus ang nahulihan ng bag na naglalaman ng mga baril at bala sa checkpoint sa Barangay Lasang, Davao City kahapon.
Nadiskubre ng mga pulis ang isang bag na naglalaman ng pitong cal. .45 na baril, isang Ingram machine gun, silencer at mga bala sa loob ng compartment ng Bachelor bus.
Nagmula pa sa Leyte ang nasabing bus na ininspeksyon ng mga pulis sa checkpoint.
Dahil dito, ilang oras na bumagal ang daloy ng trapiko sa Davao-Agusan Highway.
Ininspeksyon rin kasi nang maigi ng mga bomb experts ang naturang bag na naglalaman ng mga baril, habang dinala naman sa police station ng Bunawan ang mga pasahero para sumailalim sa pagtatanong ng mga pulis.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.