Ikatlong gintong medalya, nasungkit ng Pilipinas sa SEA Games

UPDATE: Dalawa pang Filipino athlete ang nakakuha ng gintong medalya sa Southeast Asian o SEA Games 2017 sa Kuala Lumpur, Malaysia.

Tinapos ni Nikko Bryan Huelgas ang men’s triathlon event sa oras na 1:59:30, at nakamit ang gold medal.

Pumangalawa naman o nakakuha ng silver medal sa triathlon ang isa pang Pinoy na si John Chicano.

Matapos ang men’s event, muling namayani ang Pilipinas sa women’s evbent sa thriathlon makaraang masungkit ng Pinay na si Marion Kim Mangrobang ang gintong medalya.

Habang ang Pinay rin na si Ma. Claire Adorna ang nakasungkit ng silver medal.

Dahil sa sunud-sunod na tagumpay, nakaka tatlong gintong medalya na ang Pilpinas, mula nang mag-umpisa ang SEA games 2017.

Ang unang nakakuha ng gold medal ay si Mary Joy Tabal para sa kanyang performance sa women’s marathon.