USS John S. McCain, nabangga sa isang cargo ship, 5 ang sugatan

UPDATE: Nagsagawa ng search and rescue operations ang mga otoridad matapos na mabangga ang USS John S. McCain sa isang merchant ship habang patungo sa Singapore.

Naganap ang insidente sa east ng Singapore sa bahagi ng Strait ng Malacca.

Ayon sa statement ng U.S. 7th Fleet, nagtamo ng pinsala sa USS John S. McCain ang nasabing insidente.

Kinumpirma din sa naturang pahayag na sampung tripulante ng destroyer ang nawawala habang lima ang nasugatan.

Ang John S. McCain ay isang guided-missile destroyer.

Noong January 22, 2017 ay nagsagawa ito ng pagpapatrol sa south China Sea.