Ilang flights kinansela dahil sa sama ng panahon

Kanselado ang ilang biyahe sa Ninoy Aquino International Airport (NAIA) dahil sa masamang panahon.

Sa abiso ng Manila International Airport Authority (MIAA) kanselado na ang flights M8 816 at 817 Manila – Basco – Manila ng Skyjet.

Gayundin ang flighs 2P 2084 at 2085 Manila – Basco – Manila ng PAL Express.

Ang mga apektadong pasahero ay pinayuhan ng MIAA na makipag-ugnayan sa airline companies para sa rebooking o refund.

Apektado ng bagyong Ising ang Batanes habang nakararanas din ng pag-ulan sa Metro Manila dahil sa Habagat na pinalalakas ng bagyo.