Walang magaganap na giyera sa Korean peninsula ayon kay South Korean President Moon Jae-In
Tiniyak ni South Korean President Moon Jae-In na walang magaganap na giyera o kagulugan sa Korean peninsula sa kabila ng mataas na tensyon hinggil sa bantang pagpapakawala ng missiles ng North Korea.
Ayon kay Moon, hindi niya papayagang magkaroon ng gulo lalo pa at matindi ang pagsusumikap ng South Koreans para muling makabangon mula sa naging epekto ng Korean War.
Nais umano niyang magtiwala ang lahat ng mamamayan sa South Korea na walang magaganap na giyera.
Tumaas ang tensyon sa Korean peninsula matapos ang banta ng Pyongyang na aatakihin ng missiles ang US territory na Guam.
Ayon pa kay Moon, sumang-ayon si U.S. President Donald Trump nap ag-usapan muna ang mga opsyon bago gumawa ng hakbang.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.