1 pang construction worker, nakatakas din sa kamay ng Abu Sayyaf

Nakatakas mula sa pagkakabihag ng Abu Sayyaf Group ang ikaapat na construction worker na dinukot kamakailan sa Sulu.

Ayon kay Brigadier General Cirilito Sobejana, commander ng Joint Task Force Sulu, si Edmundo Ramos ay natagpuan sa Barangay Tapiantana sa Basilan, Lunes ng madaling araw.

Sinabi ni Sobejana na nagawa ni Ramos na makatakas mula sa kaniyang mga abductors.

Isa si Ramos sa apat na manggagawa na dinukot ng mga bandido sa Provincial Sports Complex sa Barangay Bangkal sa bayan ng Patikul noong July 15.

Ang tatlong pang construction workers na sina Jason Pon Vailoces, Joel del Mesa Adanza at Filemon Francisco Guerrero Jr. ay nakatakas rin noong nakaraang linggo.