Pagkatay sa daan-daan libong manok sa Pampanga, aabutin pa hanggang Biyernes

Magtatagal pa hanggang Biyernes ang nagpapatuloy na pagkatay sa mga manok sa Pampanga.

Ayon kay Pampanga Gov. Lilia Pineda, sakop ng ginagawang pagkatay ang mga manok na nasa 1 kilometer radius ng apektadong farm sa bayan ng San Luis.

Maliban sa manok, kinakatay din ang mga bibe at pugo.

“Naka-kurdon na ang 1km radius niyan, at pinapatay na ang mga manok, bibe, pugo. Siguro aabutin pa hanggang Biyernes ang pagkatay or sana matapos ng mas maaga,” ayon kay Pineda sa panayam ng Radyo Inquirer.

Samantala, sinabi naman ni Department of Agriculture (DA) Sec. Manny Piñol na nasa 28,000 na ang nailibing na mga manok.

Sa kabuuan, 200,000 ang target ng DA na makatay.