Apat na missile ang gagamitin ng North Korea sa plano nitong pag-atake sa Guam.
Sa ulat ng Yonhap News, apat na Hwasong-12 missiles ang gagamitin ng NoKor sa Guam kung saan naroroon ang military bases ng U.S.
Ayon sa military ng NoKor, makukumpleto ang plano nilang pag-atake sa Guam sa kalagitnaan ng buwan ng Agosto.
Matapos ito, hihintayin na lamang nila ang go signal mula kay North Korean Leader Kim Jong Un para sa pagpapakawala ng missile.
Ang Hwasong-12 ay isang uri ng intermediate-range ballistic missile na unang ipinakita ng North Korea sa publiko nang isagawa ang kanilang “Day of the Sun” parade noong April 15, 2017.
Apat na beses nang nakapagsagawa ng missile test ang NoKor para sa Hwasong-12.