Biyahe ng MRT maagang nagka-aberya

Maagang nakaranas ng aberya sa biyahe ng Metro Rail Transit (MRT) ang mga pasahero.

Alas 5:20 ng umaga, pinababa ang mga pasahero ng MRT sa Quezon Avenue Station southbound.

Sa abiso ng MRT, nagkaroon ng technical problem ang isa nilang tren kaya itinaas sa category 3 ang status ng biyahe.

Ang mga apektadong pasahero, pinasakay na lamang sa kasunod na tren.

Kahapon, apat na beses na nakaranas ng aberya sa biyahe ng MRT sa pagitan ng alas 10:00 ng umaga hanggang alas 7:00 ng gabi.