4 na hostages ng Maute nailigtas ng militar sa Marawi City

Apat na sibilyan na binihag ng teroristang Maute group ang narescue ng militar sa main battle area sa Marawi City.

Ayon kay Capt. Jo Ann Petinglay, tagapagsalita ng Joint Task Force Marawi, narescue ang apat sa paligid ng Lake Lanao.

Tatlo sa mga bihag ay galing sa Zamboanga City habang ang isa ay galing sa Iligan City.

Natagpuan ang apat na bihag bunga na rin ng pakikipag tulungan ng isa sa asawa ng apat na bihag sa Philippine Navy sa Zamboanga at Joint Task Force Marawi.

Dinala na ang apat na bihag sa pinakamalapit na Philippine Army Headquarters at nilapatan ng medical assistance.

Isasailalim din sa debriefing ang apat na naging bihag ng mga terorista.