Tandag, Surigao Del Sur, niyanig ng lindol

Niyanig ng magnitude 4.8 na lindol ang bayan ng Tandag sa Surigao Del Sur.

Ayon sa Phivolcs, tumama ang lindol sa 37 kilometers West ng Tandag alas 11:09 ng umaga ng Miyerkules, August 9.

May lalim na 30 kilometers ang lindol at tectonic ang origin.

Naitala ng Phivolcs ang intensity 4 Tandag City; intensity 3 sa Butuan City; intensity 2 sa Bislig City; Surigao City; Gingoog City; at La Paz, Agusan Del Sur; intensity 1 sa Balingasag, Lagonglong at Jasaan Misamis Oriental.

Wala namang inaasahang pinsala o aftershocks na maidudulot ang lindol.

Unang iniulat ng Phivolcs na magnitude 4.6 ang lindol pero kalaunan ay itinaas sa 4.8 ang magnitude nito.