Hinihinalang ‘hired killer’, patay sa buy-bust sa Cavite

Napatay ng mga pulis ang isang hinihinalang hired killer at drug pusher sa isang buy-bust operation sa Rosario, Cavite umaga ng Lunes.

Nabatid na ang suspek ay nakilalang si Joel Ibañez, residente ng Barangay Silangan 2.

Ayon sa pulisya, nanlaban si Ibañez nang ideklara ng mga operatiba ang pang-aaresto sa kanya.

Nagpaputok aniya ng baril ang suspek dahilan para barilin din siya ng mga pulis.

Narekober sa suspek ang ilang sachet ng hinihinalang shabu.