2 barangay sa Marawi City hawak pa ng Maute group

Limitado na lamang sa dalawang Barangay ang sagupaan sa loob ng Marawi City.

Higit dalawang buwan mula nang magsimula ang digmaan sa lungsod sa pagitan ng pwersa ng pamahalaan at Maute group, sinabi ni Armed Forces of the Philippines (AFP) Spokesperson BGen. Restituto Padilla na nasa dalawang Barangay o nasa isang kilometro kwadrado na lamang ang bakbakan.

Dahil dito, sinabi ni Padilla na konting pasensya na lamang para matapos ang gulo.

Umapela din si Padilla sa mga bakwit na residente na magtiis muna at huwag magpilit na bumalik sa kanilang tahanan.

Kinakailangan aniyang tiyakin muna nila na “cleared” na ang lugar at wala ng mga IEDs o improvised explosive device.