Biyahe ng MRT nagka-aberya, mga pasahero 1 oras naghintay sa mga istasyon

Nakaranas na naman ng aberya ang mga pasahero sa Metro Rail Transit.

Huwebes ng umaga, dalawang beses na nagka-aberya ang biyahe ng tren.

Sa abiso ng MRT-3, alas 7:49 ng umaga nang pababain ang mga pasahero sa Cubao station southbound.

Ito ay makaraang makaranas ng technical problem ang isa sa mga tren.

Alas 8:47 naman ng umaga mayroong tren na huminto sa pagitan ng Magallanes at Taft stations southbound.

Sa post sa social media ng mga pasahero ng MRT, maraming istasyon ang humaba ng husto ang pila dahil walang dumadaan na tren.

Sa Cubao station, umabot sa isang oras ang waiting time ng mga pasahero na patungo sa southbound bago makasakay ng tren.