Sa abiso ng Manila International Airport Authority (MIAA), kinansela na ang flights ng Cebu Pacific na 5J 647 at 5J 648 Manila – Puerto Princesa – Manila.
Kanselado na rin ang flights 5J 325 at 5J 326 Manila – Legazpi – Manila.
Pinayuhan ng MIAA ang mga apektadong pasahero na makipag-ugnayan sa airline company para sa rebooking o ‘di kaya ay refund ng kanilang pamasahe.
Sa weather forecast ng PAGASA, apektado ng Habagat ang buong bansa.
Ayon sa weather bureau, makararanas ng mahina hanggang katamtamang pag-ulan at thunderstorms ang Metro Manila at mga rehiyon ng Ilocos, Cordillera, Cagayan Valley, Central Luzon, Bicol, Eastern at Central Visayas, Caraga at Zamboanga.