326 pamilya sa Metro Manila at Central Luzon apektado ni Bagyong Gorio
Mahigit 300 pamilya na sa Metro Manila at Central Luzon ang apektado ni Typhoon Gorio na may international name na Nesat.
Ayon sa datos mula sa NDRRMC, ang 326 pamilya o 1,254 na mga indibidwal ay mula sa dalawang barangay ng Pampanga, at tig-isang barangay sa Malabon at Valenzuela.
Sa nasabing bilang, 183 pamilya ang kasalukuyang nasa walong evacuation centers.
Sa ngayon ay nasa blue alert status pa rin ang NDRRMC Operation Center para patuloy na mag-monitor at ipaalam sa publiko ang kalagayan ng panahon at mga pagbaha.
Wala pa namang naitatalang mga namatay o nasugatan dahil kay bagyong Gorio.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.