Ito umano ay para matugunan ang public demand at para matiyak na ang mga prangkisang ibinigay nila sa mga transport network vehicle services (TNVS) ay epektibong magamit.
Sa ikalawang pagpupulong ng technical working group, napag-alaman ng LTFRB na karamihan sa mga drivers ng Grab at Uber ay part-time lamang ang pagmamaneho. Mayroon pa nga umanong ilang mga driver na limang oras lamang namamasada sa loob ng isang linggo.
Ito umano ang dahilan kung bakit umabot na ng pinagsamang bilang na 42,000 ang mga accredited drivers ang Grab at Uber.
Ayon kay LTFRB board member Aileen Lizada, pinag-iisipan na ng LTFRB na magkaroon ng minimum work hours bilang paraan para malimitahan ang bilang ng mga Grab at Uber driver. Ito rin aniya ang naisip nilang paraan para patugunan ang undersupply complaint ng mga TNC.
Kaugnay nito, pinagsusumite ng LTFRB ang Grab at Uber ng notarized database ng kanilang mga driver hanggang June 30.
Sa susunod naman na linggo ay pagsusumitihin sila ng listahan ng kanilang accredited drivers mula July 1.
Ayon kay Lizada, kapag natanggap na nila ang mga listahan, magsasagawa sila ng crosschecking.
Ang susunod na pagpupulong ng technical working group ay magaganap sa August 10.