‘Bad Blood’ ni Taylor Swift, panalo sa VMA Awards sa Amerika.
Panalo ang international pop star na si Taylor Swift bilang Video of the Year Award mula sa kanyang awiting “Bad Blood” sa katatapos lamang na 2015 MTV Video Music Awards o VMA sa Los Angeles.
Pinataob ng 25 year old singer ang ibang magagaling at beterano na sa industriya tulad nila Beyonce, Ed Sheeran, Mark Ronson ft. Bruno Mars at Kendrick Lamar.
Ang ilang winner naman sa ibang kategorya sa ‘best rock video’ ay ang Fall Out Boy-Uma Thurman, bilang best pop video, Taylor Swift-Blank Space, best male video Mark Ronson ft. Bruno Mars-Uptown Funk, best hip hop video-Nicki Minaj-Anaconda at best female video-Taylor Swift-Blank Space.
Naging kotrobersiyal naman ngayon ang MTV VMA dahil sa singer na si Miley Cyrus na siyang host ng nasabing event dahil sa agaw pansin na mga pananamit nito.
Walong beses nagpalit ng damit ang 22 anyos na singer at sa tuwing lalabas ito ay halos labas ang mga pribadong parte ng kanyang katawan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.