Nadagdagdagan ang bilang ng mga miyembro ng Kamara de Representante matapos manumpa kay House Speaker Pantaleon Alvarez ang dalawang bagong kinatawan .
Sina Reps. Milagros Aquino- Magsaysay at Francisco Datol ng Senior Citizen Partylist ang pinakabagong miyembro ng House of Representatives.
Dahil dito, 293 na ang bilang ng miyembro ng Kamara de Representante.
Samantala, Ipinagmalaki ni House Speaker Pantaleon Alvarez sa pagbubukas ng 2nd regular session sa kanyang mga kapwa kongresista ang kanilang mga nagawa sa first regular session ng 17th Congress.
Ibinida ni Alvarez na umabot ng 210 ang mga panukalang batas ang kanilang naipasa sa loob ng 97 session days.
Sinabi ni Alvarez na sa 14 na panukalang batas na nais maipasa ng Kamara, 11 dito ang kanilang napagtibay bago magkaroon ng adjourn sine die noong Mayo.
Kaugnay nito, pinapurihan ni Alvarez ang ilang mga kongresista dahil sa nagawa ng mga ito upang pumasa ang mga panukalang batas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.