Palasyo, inirerespeto ang hindi muling pagsipot ni dating Pang. Aquino sa SONA ni Duterte

By Isa Avendaño-Umali July 24, 2017 - 12:15 PM

Iginagalang ng Malakanyang ang pasya ni dating Pangulong Noynoy Aquino na huwag magtungo sa ikalawang State of the Nation Address o SONA ni Pangulong Rodrigo Duterte.

Ayon kay Presidential Communications Operations Office Secretary Martin Andanar, desisyon ni Aquino kung pauunlakan o hindi ang imbitasyon ng Palasyo.

Sinabi ni Andanar na lahat naman ng naging presidente ng bansa ay pinadalhan ng imbitasyon para sa Duterte SONA kabilang na sina dating Pangulong Fidel V. Ramos at Joseph Estrada gayundin si ngayo’y Pampanga Representative Gloria Macapagal-Arroyo.

Ito na ang ikalawang pagkakataon ni Aquino na hindi makadadalo sa SONA ni Duterte.

Samantala, kinumpirma ni Andanar na pagkatapos ng SONA ng pangulo ay mayroon siyang pulong balitaan.

Hindi aniya pangkaraniwan na nagpapatawag ng press conference ang chief executive pagkatapos ng kanyang gagawing pag-uulat sa bayan.

TAGS: 2nd SONA, Aquino, Arroyo, Estrada, FVR, Pangulong Duterte, 2nd SONA, Aquino, Arroyo, Estrada, FVR, Pangulong Duterte

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.