Ililibing na sa Sabado ang mga labi ng 28 bangkay ng mga sibilyan na pinatay ng teroristang Maute group sa Marawi City.
Ayon kay Lanao del Sur, Assemblyman Zia Alonto Adiong, mass grave na lamang ang gagawin sa mga bangkay sa Barangay Harak Medina.
Natapos na rin aniya ng PNP-SOCO ang pagsusuri sa mga bangkay.
Bukod dito, pumayag na ang mga muslim na pamilya ng mga nasawi na ilibing na ang mga bangkay.
Pumayag na rin ang local government officials sa naturang barangay na gamitin ang lupa para paglibingan.
Una rito, inilibing na ng lokal na pamahalaan ang labing pitong bangkay na kabilang sa 45 sibilyan na pinatay ng teroristang grupo.
MOST READ
LATEST STORIES