Karagatang sakop ng Russia, niyanig ng magnitude 7.8 na lindol

Tumama ang malakas na magnitude 7.8 na lindol sa karagatan na sakop ng Russia.

Ayon sa ulat ng USGS, may lalim na 300 kilometers ang lindol at naitala sa 234 kilometers ng Nikol’Skoye, Russia.

Nagpalabas naman ng tsunami advisory ang National Weather Service ng US sa mga residente na naninirahalan malapit sa Aleutian Islands, Alaska.

Naitala kasi ang lindol malapit sa Bering Strait na naghihiwalay sa Russia at Alaska.

Samantala, pinawi naman ng Phivolcs ang pangamba na ang nasabing lindol ay magdudulot ng tsunami sa Pilipinas.