Sumiklab ang sunog sa SM City North EDSA, sa Quezon City ngayong gabi.
Ayon sa mga otoridad, kanilang tinanggap ang ulat ng sunog pasado alas-8:00 ng gabi nang sumiklab ang apoy sa ikaapat na palapag ng SM North EDSA department store.
Agad na itinaas sa ikatlong alarma ang sunog dakong alas 8:48 ng gabi.
Sa kasalukuyan, nagpapatuloy ang pag-aapula ng sunog ng mga bumbero sa naturang lugar.
Samantala, ayon sa statement mula sa statement ng SM North EDSA, nagmula ang apoy sa warehouse ng department store.
Agad namang nakaresponde ang mga tauhan ng SM emergency response na siyang naunang nag-apula sa sunog.
Normal pa rin naman ang operasyon ng SM North EDSA at nagsasagawa na lamang ng maintenance at clearing operations sa lugar na pinagmulan ng sunog, ayon pa sa statement ng management.
Samantala, dakong alas-10:37 nang ideklarang fire out ang sunog.