1 aktibistang magsasaka, patay sa pag-atake sa Compostela Valley
Patay ang isang magsasakang aktibista matapos atakihin ng mga armadong kalalakihan ang kaniyang pamilya sa Compostela Valley.
Ikinasawi ni Carolina Arado ang mga tama ng bala na kaniyang natamo sa pag-atake, habang nasa kritikal na kalagayan naman ang kaniyang mister, anak na babae at dalawang apo.
Nasa loob lang ng kanilang tahanan ang buong pamilya sa Barangay Anitapan sa Mabini, nang biglang umatake ang mga armadong kalalakihan dakong alas-6:40 ng gabi.
Pawang mga aktibong miyembro ng Hugpong sa Maguuma sa Mabini o Humabin ang mga Arado.
Ito ay isang grupo ng mga progresibong magsasaka na tumututol sa pagpasok ng large-scale mining operations sa kanilang lalawigan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.