Biyahe ng CebGo sa Naga, kanselado dahil sa masamang panahon
Kanselado na ang dalawang biyahe ng Cebu Pacific sa Ninoy Aquino International Airport
Sa abiso ng Manila International Airport Authority, ang flight ng CebGo na DG 6111 Manila to Naga at flight DG 6112 Naga to Manila ngayong araw ay kinansela dahil sa masamang panahon.
Inabisuhan ng MIAA ang mga apektadong pasahero na direktang makipag ugnayan sa airline company para sa rebooking o refund ng kanilang pamasahe.
Sa abiso ng PAGASA, kabilang ang Bicol region sa nakararanas ng mahina hanggang sa katamtamang pag-ulan ngayong araw dahil sa Intertropical Convergence Zone (ITCZ) na umiiral sa Luzon at Visayas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.