Dating spokesman ni GMA, pinakabagong appointee ni Pres. Duterte

 

Isa pang kilalang kaalyado at malapit kay dating Pangulo at ngayo’y Pampanga Rep. Gloria Macapagal-Arroyo ang pinaka-bagong appointee ni Pangulong Rodrigo Duterte.

Itinalaga ng presidente si Atty. Raul Lambino bilang administrator at chief executve officer ng Cagayan Economic Zone Authority o CEZA.

Pinalitan nito sa CEZA position si Jose Mari Ponce.

Si Lambino ay dating tagapagsalita at legal counsel ni Arroyo.

Samantala, ang iba pang bagong appointees ni Duterte ay si Eduardo del Rosario bilang chairperson ng Housing and Urban Development Coordinating Council o HUDCC, na dating pinamunuan ni Vice President Leni Robredo.

Si del Rosario ay dating pinuno ng National Disaster Risk Reduction and Management Council o NDRRMC.