Democratic Representative nagsampa ng impeachment complaint laban kay US Pres. Donald Trump
Sinampahan ng impeachment complaint si US President Donald Trump.
Sa reklamo ni Democratic Representative Brad Sherman, nakagawa umano si Trump ng obstruction of justice nang sibakin nito si dating FBI Director James Comey habang isinasagawa ang imbestigasyon sa panghihimasok ng Russia sa US election.
Ayon kay Sherman, sapat na ang nasabing paglabag ni Trump para maisailalim ito sa impeachment trial at kalaunan ay matanggal sa pwesto.
Sa ilalim ng konstitusyon sa Amerika, pinapayagan ang paghahain ng impeachment kung ang opisyal ay nakagawa ng treason, bribery, o iba pang mas mataasna krimen.
Ang articles of impeachment na inihain ni Sherman ay kinakailangang maipasa sa botohan para umusad.
Sa ngayon tanging si Democrat – Texas Representative Al Green pa lamang ang nagpahayag ng pagsuporta sa impeachment proceedings.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.