Babae na presidente ng homeowners, sugatan sa pamamaril sa QC
Kritikal ang kondisyon ng isang ginang matapos pagbabarilin sa loob ng isang drug store sa Katuparan St., Brgy. Commonwealth, Quezon City.
Kinilala ang biktimang si Rosemarie Amarille, 46 anyos, at presidente ng Homeowners Association sa Katuparan.
Itinakbo kaagad sa ospital ang biktima matapos magtamo ng tama ng bala sa likuran ng ulo.
Sa inisyal na imbestigasyon ng Quezon City Police Station 6, bumibili lamang umano ng gamot si Amarille para sa may sakit na asawa.
Bigla na lamang umano itong nilapitan ng lalaking nakasuot ng itim na jacket saka pinaputukan.
Nakuha sa crime scene ang isang basyo mula sa caliber .45 na baril.
Hinala ng mga otoridad, maaring may kinalaman ang pagiging presidente ng homeowners association ng biktima sa motibo sa tangkang pagpatay dito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.